Gitawag si Brgy. Gin Kings resident import Justin Brownlee og “Kabayan 32” tungod sa kadugay na niyang nagduwa sa Philippine Basketball Association (PBA).

Apan human siya nahatagan og Filipino citizenship, adunay angga nga mas naganahan si Brownlee – “Justin Noypi.”

“I feel like ‘Justin Noypi’ is cool,” matud ni Brownlee nga napatik sa www.spin.ph.

“A lot of people calling me Noypi now. Stuff like that. So for me, I think ‘Justin Noypi’ is cool.”

Gipabuhagay ni Brownlee nga buhaton niya ang tanan aron makatabang sa Philippine basketball hilani na karon nga usa na siya ka naturalized player.

Si Brownlee maoy mangulo sa 24-man Gilas Pilipinas training pool nga mokombati sa ikaunom ug katapusang tipik sa FIBA World Cup Asian Qualifiers nga ipahigayon sa Philippine Arena sa Bocaue, Bulacan sa sunod buwan. (ESL)