BUGHA ang kawatan og motorsiklo human nakigpinusilay sa kapulisan alas 4:15 sa hapon, Enero 22, 2023 sa Esperanza, probinsiya sa Sultan Kudarat.
Naila na ang namatay nga motornapper nga si Zapale Omar kinsa nagpuyo sa Maguindanao del Sur.
Matud ni Esperanza Chief of Police Major Samuel Domingo, nga nakadawat sila og tawag bahin sa motorsiklo nga gikawat sa suspek.
Gialerto ni Major Domingo ang ilang mga checkpoint sa PNP ug nasiplatan ang suspek sa Purok Pag-asa, Barangay Sagasa, Esperanza, Sultan Kudarat.
Apan imbis nga mosurender si Omar, misibat kini ug nakigpinusilay sa mga pulis.
Napugos ang mga pulis sa pagbalos sa pagpabuto sa ilang mga armas nga maoy hinungdan sa kamatayon sa suspek.
Narekober gikan sa posisyon ni Omar ang usa ka XRM-125 nga motorsiklo, usa ka Thompson Tongram sub-machigun pistol, mga basiyo ug mga bala sa 9mm caliber pistol, lima ka dagkong pakite sa shabu ug nagkadaiyang ID.
Sa pagkakaron, gisusi sa Esperanza Municipal Police Statiion kung konektado ba ang suspek sa sunod-sunod nga kawat sa motorsiklo sa maong lungsod.