Sundogon sa Philippine Basketball Association (PBA) ang All-Star Game format sa National Basketball Association (NBA).
Mao na kini ang gamiton sa labing unang professional nga liga sa Asya alang sa 2023 PBA All-Star Weekend nga ipahigayon karong Marso 9-12, 2023 sa Passi, Iloilo City.
Imbes sa tradisyunal nga North vs. South All-Stars format, ang PBA mosunod na sa NBA diin ang mag-unang duha ka mga magduduwa nga makahakot og daghang mga boto mao ang mopili sa ilang gustong makauban.
“Mamimili ang fans ng 24 [players],” pasabot ni PBA commissioner Willie Marcial nga napatik sa www.abs-cbnnews.com.
“May balota tayo, mamimili sila ng 24 players, kahit anong posisyon. Doon sa top 24, ‘yung dalawa, gagawin nating captain ball. Tapos, mamimili sila doon sa 22 ng teammates nila. Palitan ang gagawin nila para makabuo ng team.”
Ang boto sa fans mao sab ang basihan sa duha ka coaches nga mogiya sa All-Star teams.
Ang botasyon magsugod karong Enero 25 ug mahuman karong Pebrero 15.
Human niini, ipahigayon ang All-Star draft.
Modayandayan sa All-Star Weekend mao gihapon ang rookies-sophomores-juniors game, blitz challenge, three-point shootout, ug slam dunk contest.