Nagkanayon si James Yap nga sa iyang pamati, usa siya ka rookie atol sa iyang pagbalik og duwa sa Philippine Basketball Association (PBA) sa labing unang higayon human sa taas nga panahon.

Si Yap, kinsa nag-edad na og 40, nipakita nga aduna pa siya’y ikabuga ug nimugna kini og 14 puntos atol sa kapildihan sa Rain or Shine Elasto Painters batok sa Meralco Bolts, 105-87, atol sa pagsugod sa Governor’s Cup niadtong Dominggo, Enero 22, 2023, sa Philsports Arena sa Pasid City.

“Feeling ko, rookie ako,” matod ni Yap, kinsa napiling konsehal sa San Juan City sa niaging eleksyon.

“’Yung feeling na na-feel ko before, nung 2004: kinakabahan. Di ko alam kung kaya.”

Si Yap, kinsa nipirma og usa ka komperensya nga kontrata sa Elasto Painters, nisulod sa duwa sa nahabiling 6:41 minutos sa 2nd quarter ug nakakompleto dayon kini og three-point play.

Pagkahuman sa 2nd quarter, nakahipos na si Yap og 12 puntos.

“Hindi ko ine-expect,” matod ni Yap kabahin sa pag-ulbo sa iyang opensa sa 2nd quarter.

“Basta ang akin, once ipasok ako, ready ako. Nasa sideline ako, talagang kinuha ko na yung mga gadgets na pampainit para ma warm up eh.”