ILUSAD sa Miyerkules, Enero 25, 2023, sa Land Transportation Franchising and Regulatory Board (LTFRB) Davao Region ubos sa Public Utility Vehicle Modernization Program (PUVMP) ang walo sa 15 class 3 modernized UVE sa Digos City.
Sumala ni LTFRB Davao Regional Director Nonito "Dondon" Llanos III nga kining mga modern public utility vehicles (MPUV) units mag-serbisyo sa rota nga Aplaya, Digos City padulong Poblacion, Bansalan via Kapatagan.
Kahinumdoman nga atol sa naaprobahan nga Local Public Transport Route Plan (LPTRP) gikan sa Provincial Government sa Davao del Sur, usa ka ordinansa ang naaprobahan sa Sangguniang Panglungsod sa Davao del Sur diin kini mao ang Local Sangguniang Ordinance No. 21-105 niadtong Oktubre 4, 2021.
Kini nga ordinansa ang gibasehan sa pagmugna sa LTFRB Memorandum Circular (MC) No. 2022-019. Kini sab nga MC ang nag-abri sa mga aplikasyon gikan sa mga kooperatiba nga mopadagan sa rota. Ang KATCO naaprobahan sa ilahang aplikasyon niadtong Abril 25, 2022.
Ang paglunsad sa maong mga behikulo pangulohan mismo ni Dir. Llanos, LTFRB-Davao PUVMP Head Engr. Ronnel Victor Panigon; mga miyembro sa KATCO, kauban ang pipila ka mga opisyales sa Province of Davao del Sur LGU, Digos City LGU, ug Brgy. Kapatagan.
Ang KATCO malipayong maglunsad sa mga modernized vehicles, isip pinakaunang rota sa kooperatiba ubos sa LPTRP ug PUVMP.
Mapasalamaton ang mga miyembro nga masugdan ang panginabuhian sa suporta sa gobyerno pinaagi sa subsidy gikan sa Modernization Program.
Ang KATCO, maoy ikatulo na nga kooperatiba sa Davao Region nga naglunsad og modernized vehicles nga adunay assistance gikan sa Development Bank of the Philippines (DBP) ug Land Bank of the Philippines (LBP).
Ang PUVMP nanghinaut nga makahatag sa katawhan og komportable, masaligan, luwas ug environment friendly nga transportasyon alang sa kadaghanan, samtang maghatag og malungtarong panginabuhian sa mga kooperatiba. (PR)