Usa ka babaye sa New York ang nipasaka og bag-ong kasong pagpanglugos batok sa kanhi world heavyweight champion nga si Mike Tyson.
Matod sa babaye, kinsa dili gustong magpaila, nga gilugos siya ni Tyson sulod sa limousine nga sakyanan sa sayong bahin sa dekada 90 human sila nagkaila sa usa ka nightclub sa Albany, New York.
“I told him no several times and asked him to stop, but he continued to attack me,” matod sa babaye sa iyang affidavit.
“He then pulled my pants off and violently raped me.”
Ang babaye nangayo og $5million nga danyos.
Gipasabot sa babaye nga kining maong hitabo nakaapekto sa iyang pisikal, psychological ug emosyon sa daghang katuigan.
Dili gustong magpaila sa publiko ang babaye sa rason nga makahatag kini’g samot og kahasol sa iyang kinabuhi. / AP