Tambagi ko Noy Kulas: Nanghilabot

Tambagi ko Noy Kulas: Nanghilabot

Dear Noy Kulas,

Tagoa lang ko sa ngan nga Randie, minyo ug duna na mi mga anak sa akong asawa.

Wa ko nagkaproblema ni Misis kay grabe ka buotan, understanding ug patient kaayo.

Ang akong problema ang akong mother-in-law ug sister-in-law.

Kaniadto nangipon ra mi sa ilaha but nakatigom mi og gamay mao to nagdata-data mi og house and lot aron makalain mi og puyo.

Karon, bisan naglain na mi, manghilabot lang gihapon sila sa among pagpuyo.

Kanang bisan sa pagpaeskwela sa mga bata ila pang hilabta. Ma weekend gusto nila nga toa nila ang mga bata bisan kanang time lang unta nga amo silang makauban.

Ang akong asawa nisugot ra sab kay di ganahan og gubot. Natural ako nga amahan di ko ganahan kay naglain na mi, naa lang gihapon sila manghilabot.

Di baya mga ginikanan nga pabaya ug way buot. Please tambagi ko unsay buhaton namo.

Di ba lain paminawon nga manghilabot sila nga wa man mi gapangayo sa ilaha sukad?

RANDIE

Randie,

Ayaw na lang na padak-a nga isyu kay lisod og magkasiloay mong sa pamilya sa imong asawa.

Ang maayo ninyong buhaton mao ang paghimo nga regular nga manglakaw sa weekend sa mga bata kon kaya sa bulsa.

Ikaduha ninyong mahimo mao ang pag schedule lang sa ilang panahon with the in-laws kay duna silay mga assignment nga usually mahitabo ang pagbuhat sa weekends.

Pangutan-a sab ang inyong mga anak kon ganahan ba sab sila to spend sa ilang weekend sa in-law nimo.

Kana gung mga lolo ug lola ug kanang wa mangaminyo sagad maoy hiligan ang mga pag-umangkon.

Busa, ayaw lang sa higpiti ang paghikaw kanila kay mingawon sab na sila.

Wa ra ba tay laing madangpan o motabang nato sa kalisod, ang atoa rang pamilya.

NOY KULAS

rojval69@yahoo.com

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph