Kapin sa 20 ka milyon nga Subscriber Identity Module (SIM) cards ang narehistro sa tibuok nasud halos usa ka bulan human sa pagpagawas sa Implementing Rules and Regulation of Republic Act 11934, nailhan usab nga SIM Registration Act.

“So we are progressing very, very fast and I’d like to thank the public, the general public for being very responsive to our appeal to register as soon as possible,” matud ni Department of Information and Communications Technology (DICT) Secretary Ivan John Uy sa press conference in Malacañang sa Martes, Enero 24, 2023.

Ang National Telecommunications Commission (NTC) sa sayo pa niingon nga adunay dul-an sa 170 milyunes ka SIM card users sa nasod.

Ubos sa balaod, ang tanang kasamtangan ug bag-ong subscribers kinahanglang magparehistro sa ilang mga SIM card hangtod sa Abril 26, 2023.

Ang pagkapakyas sa pagtuman sa mga kinahanglanon alang sa pagparehistro sulod sa gitakdang panahon moresulta sa awtomatik nga pag-deactivate sa SIM.

Matud ni Uy nga lakip sa mga hagit sa pagparehistro sa SIM card mao ang kakuwang sa Wi-Fi connection ilabina sa mga hilit nga dapit sa nasud ug ang kakuwang sa identity documents (IDs) sa mga indibidwal nga nagparehistro sa ilang SIM card.

Matud niya aron matubag ang mga isyu sa heyograpiya, ang gobyerno naglunsad og SIM card registration caravan nga magsilbi sa lagyong mga komunidad sama sa Ifugao ug Mountain Province.

May mga caravan usab sa Ilocos Region, Central Visayas, Eastern Visayas, Northern Mindanao ug Davao Region gikan sa Enero 25 pataas.

Ang mga dapit anaa sa Ilocos Norte, Cebu, Leyte, Bukidnon, ug Davao del Sur -- kasagaran sa mga municipal auditoriums.

Matod niya ang mga isyu sa IDs gitubag na sa Philippine Statistics Authority.

Usa sa mga sugyot mao ang dungan nga paghupot sa SIM card ug sa National ID system registration sa hilit nga mga dapit.

“Para right there, pagka-rehistro ng National ID, mag-SIM card registration na rin sila. So, we shoot two birds with one stone, ‘di ba? Mas madali iyong deployment. So, iyon iyong mga solusyon na pina-package po namin,” matud ni Uy. (TPM sa SunStar Philippines)