PADAYONG gisusi sa mga awtoridad ang pagpabusikad og granada sa balay sa usa ka barangay sa Matalam, Cotabato Province alas 10:20 sa gabii Martes, Enero 24, 2023.

Sumala kang Cotabato Police Provincial Office Director Colonel Harold Ramos nga usa ka balay sa Purok 8, Barangay Kidama sa maong lungsod ang giitsahan og granada sa wala mailhing mga suspek.

Wala hinuoy naigo sa pagbusikad sa eksplosibo apan nakamugna kini og sobra nga kahadlok sa tagbalay ug sa mga silingan.

Gihulagway nga nangabuak ang samin sa balay ug nadamay pa ang sakyanan nga gituasikan sa mga tipaka sa granada.

Giingon nga dunay nasiplatan ang mga silingan nga duha ka tawo nga misibat sakay sa motorsiklo human nabati ang masipang buto sa granada.

Sumala pa nga target sa mga suspek ang tag-iya sa balay gumikan sa away sa yuta apan bansagon gitago gumikan sa iyang seguridad.

Padayon pa ang imbestigasyon sa kapulisan Matalam Municipal Police Station bahin sa insidente.