Ang Hi-Precision Cebu nilusad sa Mandaue CT Scan nga adunay libreng healthcare alang sa duha ka swerteng residente sa Mandaue City.
Sa pagsugod sa 2020, usa sa pinakabag-o nga kalambuan sa Hi-Precision Cebu kay ang bag-o nga 64 Slice CT scan sa Cebu Main branch nga nahimutang sa 28 J. Llorente St, Cebu City. Karon nga tuig sa 2023, ang Hi-Precision Diagnostics nagsugod sa tuig pinaagi sa bag-ong high-speed nga 128 Slice Supria CT Scan nga anaa sa among Mandaue branch sa M.C. Briones National Highway, Barangay Maguikay. Isip kabahin sa among pasalig sa pag-alagad sa katawhan sa Sugbo, nakahukom kami nga mohatag og libreng testing sa duha ka mga lokal nga residente sa Mandaue nga nanginahanglan gyud og CT Scan procedure.
Alejandra, 61
Ang taga Barangay Basak nga si Alejandra nagluto ug namaligya og pagkaon aron ikasustento sa iyang unom ka mga anak apan niretiro na. Ang iyang anak nga si Jerome, nga nag-edad ug 24, nahimong iyang pangunang tig-atiman human miundang sa iyang trabaho ingong construction worker aron bug-os-panahong atimanon siya.
Bisan tuod si Lola Alejandra dugay nang diabetic, medyo maayo pa ang iyang panglawas hangtod nga mikalit ug taas ang iyang blood sugar nga misangpot sa iyang kalit nga pag-collapse ug pagka-mild stroke. “Natumba ko pero natukod ang akong kamot so wala ni siya nadakdak akong ulo. Murag napalingkod ko ba, nya akong natukod akong kamot nya mao ni siya murag napiang. Mao to mura kog na-mild stroke.”
Diha-diha dayon, si Alejandra gidali ug dala sa lokal nga ospital diin ang doktor mihangyo ug usa ka CT scan aron masusi ang posibleng makahulga nga blood clots o mga timailhan sa kadaot gikan sa pagkatumba. Pero tungod sa taas nga wait list sa mga pasyente, si Alejandra na admit ug dugay-dugay sa ospital sukwahi sa ilang gibana-giba
“Laay gyod siya didto [sa ospital] unya gasto nya hurot sad kwarta ba. Gusto na ko ko mouli. Gi-admit ko, atong sa petsa dyes, mu-semana na kapin. Didto gani ko nagbirthday.”
Mao na sa pagkapili nila alang sa libre nga CT scan sa Mandaue usa ka dakong grasya alang nilang duha, ilabi na alang kang Jerome nga aduna say duha ka mga anak na giatiman.
“Gaan among gipamati ato. Naa koy duha ka buok anak gud, gagmay pa, gigatas pa ba. Nya niundang pa gyud kog trabaho, kay unom mi kaigsoon, ako ra gud pwede makaserbisyo niya. Lipay kaayo mi ato, kay wala gyod mi gi bayranan kay ang katong para among hinipusan nagasto na didto sa among kinahanglanon, mga diapers ug tanan. Nagamit gyod ba, salamat intawon.”
Sa dihang gipangutana kon unsay labing gimahal ni Jerome sa iyang inahan, mao kini ang iyang gisulti.
“Gipadako mi niya nga siya ra usa. Bilib gyod mi, nga gibuhat niya tanan nga mabuhi mi, gipakaon mi, gipaeskwela mi. Mao gyud nga pinakalove sa among Mama. Wa sad mi niya pasagdahi ba. Naningkamot jud siya bisag wala siyay ka-atbang para makahatag og suporta sa iyang mga anak.”
Nanay Hermozcilla, 68
“Ako si Nanay Hermozcilla, 68 anyos, taga gihapon sa Barangay Umapad, Mandaue City. Nagpasalamat ko og dako sa HP nga naabot sa amo higayona nga naapil intawon ko sa ilahang libre nga CT scan.”
Usa ka residente sa Barangay Umapad, na collapse pud si Hermozcilla. Niining higayona, tungod sa pag-usab-usab sa iyang blood pressure. Sa pagkakaron, naa siya sa full-time nga pag-atiman sa iyang bugtong anak nga si Anthony, usa ka trabahante sa barangay kaniadto.
“Na-collapse ra man ko diretso. Kay ako nahibaw-an pag mata nako, diha na man ko sa ospital,” Hermozcilla explains. “Kanang akong pag-umangkon nangyo didto ug kuan aron mapa-CT scan ko. Na-enganyo sad ko pag-ingon sila na “Sige na, kuhaon ka namo alas dose ha? Pangandam lang daan.’”
Isip mga lumulupyo sa Mandaue, sila si Anthony ug Hermozcilla nalipay pag-ayo tungod kay aduna nay duol nga CT scan sa ilang lokasyon, “Mas maayo ni nga duol. Kay pareha ani nga di siya kabiyahe.” Tungod sa kaduol sa Mandaue branch sa ilang panimalay, ug ang pagkabarato, kanunay nga dad-on ni Anthony ang iyang mga sakop sa pamilya aron magpa-check-up. “Akong kinamaguwangan naa pa gyoy diabetes Mao may ari gyod ko diri magpacheck up. Ug ang pilay presyo diri, ug maabot nako, paningkamutan lang gyod nako nga mapacheck-up ko hasta akong mga bata, papaningkamutan gyod nako.”
Dugang pa, alang sa katong first time pa na magpa-CT scan, medyo makalisang ug dili tantong komportable sa pamati kung naa ka sa sulod sa makina. Apan tungod kay ang Hi-Precision nag-invest ug dako alang sa komportable ug nindot nga atmospera, adunay positibo nga impresyon sa unang higayon si Nanay Hermozcilla.
“Ok ra gyod sa CT scan, Sir. Malipayon (ni katawa) Wa man ko kulbai. Nalingaw ko og tan-aw sa tuyok-tuyok (ni katawa) Naligaw’g tan-aw sa tuyok-tuyok. O, karon pa gyod intawon ko makasuway ug wa matigulang.”
Sama sa giingon ni Anthony, “Sobra akong kalipay na na-CT Scan na gyud akong Mama aron mahibawan gud ang sakit ug makuha sa doctor ba nga masulti sa amoa.” Alang sa inahan ug anak, ang pagpatambal ug pagpaayo mao ang panguna nga prayoridad, uban ni Anthony nga adunay espesyal nga mensahe alang sa iyang Mama.
“Nay, paningkamot gyud na nga ma-extenan pa imong kinabuhi nya, barugi gyud imong kaugalingon nga magpakabuhi ka kay tungod naa pa kay mga apo, daghan pa. Kita rang duha magtinabangay.”
Mandaue CT Scan
Ang Hi-Precision Cebu aduna nay magamit nga CT scan pinaagi sa walk-in sa Cebu Main ug Mandaue branch. I-klik kini nga link aron makita ang kompletong eskedyul ug availability sa CT Scan sa duha ka branch, o kontaka pinaagi sa landline (888 2222) o cellphone/Viber (0917 770 3638). SPONSORED CONTENT