Adunay higayon kaniadto nga gipadayag ni Filipino boxing legend Manny Pacquiao ang iyang kalipay nga nakapirma siya og kontrata sa Paradigm Sports Management (PSM) ni Audie Attar apan lahi na ang sitwasyon sa kasamtangan.
Nibahad si Attar nga adlaw na lang ang ihapon ug pasakaan na niya og kaso ang Pambansang Kamao ng Pilipinas tungod sa pagbaliwala sa kontrata niini.
Sa breach of contract nga kaso nga iyang ipasaka sa sunod buwan, si Attar mangayo og $20 million nga danyos ngadto sa kanhi 8-division world champion.
Sa ilang kontrata, adunay ubay-ubay nga dagkong mga away ang nakahan-ay alang kang Pacquiao lakip na niini ang batok nila ni UFC superstar Conor McGregor ug Mikey Garcia.
Apan wala’y bisan usa ka away ang nadayon human nakadesisyon si Pacquiao nga mobiya sa PSM aron motapon sa pagdumala ni Al Haymon sa Premier Boxing Champions.
Wala nakauyon si Pacquiao sa pagdumala sa PSM hinungdan nga nibalhin siya sa PBC, nga maoy naglihok sa iyang away batok nila ni Keith Thurman ug Yordenis Ugas.
“Manny’s days of thumbing his nose at our contractual rights are almost at an end. We have an overwhelming case against him and look forward to justice being served,” opisyal nga pamahayag ni Attar nga napatik sa www.worldboxingnews.com.
“The court has already entered an order stating that Pacquiao is deemed to have admitted that he breached his contract with Paradigm due to his consistent violation of court orders. And that Paradigm has suffered more than $20 million in damages.” (ESL)