Naghari si Filipino pole vault Olympian EJ Obiena sa Perche en Or eventsa Stab Velodrome sa Roubaix, France.
Mao kini ang labing unang gold medal nga naangkon ni Obiena sa tuig 2023.
Si Obiena, kinsa maoy world ranked No. 3, nakarehistro sa iyang season-best nga 5.82-m aron angkunon ang kadaugan sa kompetisyon, nga tipik sa World Athletics Indoor Tour Challenger. Nalabwan ni Obiena sila si Chinese Yao Jie (5.75-m) ug Ethan Cormont (5.65-m) sa host country.
Gisugdan ni Obiena ang iyang indoor season pinaagi sa paglabni og silver medal sa International Springer Meeting sa Cottbus, Germany sa miaging semana.
Lakip sa mga kompetisyon nga salmutan sa 27 anyos nga si Obiena sa umaabot mao ang Orlen Copernicus Cup sa Torun, Poland ug Meeting Hauts-de-France Pas-de-Calais sa Lievin, France nga pulos ipahigayon sa sunod buwan. / ESL