Si Robert Pableo ‘Bob’ Lim, tinahod nga magsusuwat, professional photographer ug film director, malampusong nilusad sa iyang libro sa balak nga nag-ulohan og Batang Colon sa Archdiocesan Museum Cebu Metropolitan Cathedral Complex, Barangay Sto. Niño, dakbayan sa Sugbo niadtong Enrero 21, 2023.

Gitambungan kini sa mga inilang personahe sa lokal nga komunidad sa natad sa arte, kultura ug akademiya nga gipangunahan ni National Artist For Literature Resil Mojares, kanhi Ambasador Vicente ‘Butch’ Vivencio Bandillo, retired RTC Executive Judge Simeon Dumdum, Jr. ug uban pa.

Ang Batang Colon koleksiyon sa iyang kapin sa 30 ka mga balak nga nagkuha sa iyang inspirasyon sa kinabuhi sa labing unang dalan sa nasod ug karaang sentro sa pamatigayon sa Sugbo. Nagtubo usab siya sa maong dapit sa usa ka apartment sa dan Colon ug Climaco.

Ang iyang unang photography studio sa Colon human sa paggraduwar sa University of the Philippines (UP) Diliman.

Ang mga balak sa Batang Colon, gitagik sa pulong Binisaya, wa maghulagway sa pagka barumbado sa sama sa ‘Batang Quiapo’ o ‘Batang Tondo’ apan ang yanong kinabuhi sa karaang Colon nga nasaksihan ni Lim sulod sa pipila ka siglo gikan sa 197Os.

Ang dapit sa pag-shopping, mangaon, magtagbo o motan-aw og sine.

Sa pikas bahin, sa iyang balak nga ‘Kantoratoy’ gihulagway sa linya nga “Adto kono sya sa Colon magpatidpatid og lata”. Sa 80s ug 90s, ang bugtong sentro sa kalingawan sa dakbayan.

Lakip sa highlights sa programa mao ang basa-balak nga gisalmotan ning tagsuwat ug hamubong pressentasyon. / RRM