Ang Bangko Sentral ng Pilipinas (BSP) nagpaabot sa mas lapad nga sirkulasyon ug paggamit sa publiko sa 1000-Piso polymer banknote kay magamit na kini sa mas daghang automated teller machines (ATMs) sa tibuok nasod.
Sa katapusan sa Disyembre 2022, 17,304 ka mga ATM, o 92 porsiyento sa kinatibuk-ang gidaghanon sa mga ATM sa nasud, ang gi-recalibrate sa mga bangko aron mahatag ang 1000-Piso polymer banknotes. Moabot sa 7,274 niining polymer-ready nga mga ATM ang nahimutang sa National Capital Region.
Mokabat sa 39 milyunes nga mga piraso, nga nagrepresentar sa 7.8 porsiyento sa kinatibuk-ang 1000-Piso polymer banknotes nga ipakatap sa sentral nga bangko, nagamit na sa publiko sa katapusan sa Nobiyembre 2022.
Samtang ang BSP nagpadayon sa phased nga pag-isyu sa 1000-Piso polymer banknotes, ang sentral nga bangko nagpahinumdom sa publiko, retailers ug mga bangko sa pagdawat sa gipilo nga mga banknotes, papel man o polymer, tungod kay kini legal nga magamit ug magamit sa adlaw-adlaw nga mga transaksyon sa pagbayad.
Kon nagduhaduha sa kantidad ug/o katinuod sa usa ka banknote, ang publiko giawhag sa pag-adto sa bisan unsang bangko alang sa tabang. Isumiter dayon sa bangko ang banknote ngadto sa BSP alang sa eksaminasyon. (REV gikan sa PR)