Benthel kampyon sa Festival of Football

KAMPYON: Nagpahulagway ang BAST team human nila naangkon ang korona sa CVFA Festival of Football U-13 boys category ning bag-uhay lang. Kauban sa team mao sila si head coach Warlloo Sabella, asst. coach Elmer Minguito ug CVFA chairman Nilo Ferraren. / TAMPO
KAMPYON: Nagpahulagway ang BAST team human nila naangkon ang korona sa CVFA Festival of Football U-13 boys category ning bag-uhay lang. Kauban sa team mao sila si head coach Warlloo Sabella, asst. coach Elmer Minguito ug CVFA chairman Nilo Ferraren. / TAMPO

Naangkon sa Benthel Asia School of Technology (BAST) sa Basak, Lapu-Lapu City ang kampyunato sa U-13 boys category sa Central Visayas Football Association (CVFA) Festival of Football niadtong Enero 29, 2023 sa Dynamic Herb-Borromeo Sports Complex sa Talisay City, Cebu.

Sa semi-finals, gipakaging sa BAST ang Cebu United Football Club unya gitiwas nila ang misyon pinaagi sa pagbuntog sa ONDO Homes sa Don Bosco Boys Town sa finals.

Gawas sa mga nangahisgutan, ang ubang teams nga ningkombati sa kompetisyon mao ang Sacred Heart School-Ateneo de Cebu (SHS-AdC) sa Mandaue City, Abellana National School, Giuseppe Football Club, Mighty Chiefs, Guardian Strikers Football Club, Sheba Football Club, Real Galaxy, ug CFC Academy.

Kini nga kompetisyon tipik sa Philippine Football Federation (PFF) Training Area of Development (TAD) program.

Ning maong programa, posibleng madiskubrihan ang potensyal nga mga magduduwa nga mahilakip sa Philippines National Youth Teams. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph