GIPAHIBAWO sa Commission on Elections (Comelec) Davao Region nga wa nay lugway ang karong adlawa nga deadline sa rehistrasyon alang sa Barangay ang Sangguniang Kabataan (SK) Elections (BSKE).

Gikanayon ni Atty. Gay Enumerables nga ang Comelec wala pa nag-abiso sa ilang mga rehiyonal nga buhatan nga lugwayan ang BSKE sa ilang matag rehistrasyon. Karong adlawa, Enero 31, mao ang katapusang adlaw alang sa rehistrasyon.

"Wala po advisory sa amin as of this time," tug-an ni Enumerables pinaagi sa text message ngadto sa SunStar.

Gisulti sab niya nga mosunod gihapon sila sa regular office hours alang sa Comelec registration bisan pa sa deadline, kon diin dugang mga tawo gilauman nga modugok sa Comelec main office sa Magsaysay Park, Davao City apil na sa ilang mga satellite offices nga gipahimutang matag kongresiyonal nga distrito.

"The registration will still be from 8 a.m. to 5 p.m.," matud niya.

Alang sa mga molupyo sa 1st District, ang satellite registration site naa sa SM City Davao samtang sa SM Lanang Premier alang sa mga molupyo sa 2nd District.

Samtang sumala ni Welfred Morado, Election Assistant II sa Comelec Davao-1st District, gilauman nila nga dugang botante modugok sa ilang satellite office sa katapusang adlaw sa rehistrasyon.

"As of today (January 30), more or less 11,800 voters yung nagpunta dito sa ating site (sa SM Ecoland), with 800 plus duon is mga bata," tug-an ni Morado.

"47 percent dito ay mga new, 33 percent naman is yung mga galing sa ibang district or ibang lugar, 14 percent is iyong mga nagtransfer interior lang sa loob ng 1st district, then 6 percent naman ay mga reactivating voters or iyong mga di nagregister kasi matagal na di nakaboto," dugang pa niya. (Ian Carl Espinosa)