Tag-iya og pawnshop gipusil, patay

Tag-iya og pawnshop gipusil, patay

Patay diha-diha ang 58 anyos nga lalaki samtang sakay sa iyang motorsiklo sa eskina sa dalan Colon ug Panganiban, dakbayan sa Sugbo, pasado alas 5:00 sa hapon, Lunes, Enero 30, 2023.

Si Police Staff Sergeant Kitz Daryl Palaña sa Carbon Police Station niila sa biktima nga si Joseph Canonego, taga dan C. Padilla, Barangay Mambaling, siyudad sa Sugbo.

Ang iyang kapuyo nga si Jenny Logao, 18, maoy niila sa biktima.

Sa inisyal nga imbestigasyon sa Carbon Police nasayran nga ang biktima gikan sa Oriente Mall sanglit siya dunay pawnshop sa nahisgutang mall.

Sa iyang pag-uli sakay sa motorsiklo, gituohang gisundan sa mamumuno ug pag-abot sa naasoy nga eskina duol sa traffic light, gipusil ang biktima sa ulo.

Nakuha sa crime scene ang usa ka sling bag nga dunay sulod nga mga ID, kuwarta ug armas nga kalibre .45 uban sa duha ka mga magazine nga dunay mga bala. Ang Carbon Police misubay pa sa motibo sa pagpatay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph