74-anyos gibaklad sa 60-anyos

Ang Sta. Ana Police Station kung asa nagpa-blotter ang edarang 74-anyos nga lola human gibaklad sa 60-anyos nga lolo. (Jeepy P. Compio)
Ang Sta. Ana Police Station kung asa nagpa-blotter ang edarang 74-anyos nga lola human gibaklad sa 60-anyos nga lolo. (Jeepy P. Compio)

NAKATAKDANG mag-abot sa barangay ang usa ka 74-anyos nga edarang babaye ug ang silingan niini nga 60-anyos nga lolo human nga alegasyong namaklad kini samtang naligo si lola sa Isla Verde Poblacion, Davao City niadtong Lunes, Enero 30, 2023.

Sa impormasyon nga nakalap sa SuperBalita Davao sa mismong silingan sa reklamante nga si alyas Coring, usa ka ulay, nga giayo'g lili ni Lolo Cardo ang edarang babaye samtang kini naligo sa ilang banyo.

Giingong natigayon ang pagbaklad ni Lolo Cardo alas 7 sa gabii niadtong Lunes, didto sa Purok 3, Barangay 23-C, Isla Verde Poblacion, Davao City.

Nasayran nga mitungtong pa si Lolo Cardo sa duha ka hollow blocks, apan dihang pagkataud-taod nagupok kini hinungdan nga nasakpan sa silingan nga si alyas Nene.

Dihang gipangutana kuno si Lolo Cardo nganong mitungtong siya sa hollow blocks, mitubag sab kini nga nanguha siya'g damang kay ipakaon sa iyang binuhi nga isda.

Napalaw suma pa si Lolo Cardo dihang kalit sab kining giduol sa silingan nga si alyas Marivic kinsa mipakita sa video nga perteng lili sa edaran ngadto padung sa naligo sa banyo.

Dihang nasayran ni Lola Coring ang nahitabo, migawas kini sa banyo ug nahibal-an niini nga gibaklad na diay siya.

Sa kalagot sa 74-anyos nga ulay hapit niini sagpaa si Lolo Cardo, apan giulang sila ug nahukman nga sa barangay na lang sila maghusay.

Napa-blotter na ang hitabo sa Sta. Ana Police Station Lunes.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph