Gwen magpabayad sa dan nga milapas

Cebu Governor Gwendolyn Garcia. (File photo)
Cebu Governor Gwendolyn Garcia. (File photo)

Pabayran ni Cebu Governor Gwendolyn Garcia sa Department of Public Works and Highways sa Central Visayas (DPWH 7) ang dalan nga nilapas sa luna nga gipanag-iya sa Probinsya sa Sugbo.

Subay sa impormasyon sa Sugbo News, media arm sa Kapitolyo, nga nakigtigom si Garcia sa DPWH alang sa maong hisgutanan niadtong Enero 30, 2023.

Sa maong tigum giingong niuyon si DPWH-7 Director Ernesto Gregorio sa pagbayad sa angay bayaran subay sa gihimong lot verification ug pagkompleto sa documentary requirements.

Asoy sa datos sa Real Estate Division sa Kapitolyo, milapas ang dalan sa DPWH sa bahin sa Osmeña Boulevard, Salinas Drive, W. Geonzon Street, IT Park access road, Gov. Cuenco Avenue., ug B. Rodriguez Street.

Samtang sa Osmeña Blvd., magagikan sa Fuente Circle paingon sa Capitol Compound nilapas og upat ka metros ang dan sa DPWH — tag duha ka metros sa matag kilid niini sa gihimo nga 24-meter road gikan sa orihinal nga gitagana nga 20 metros lang unta.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph