PDEA 7 naniid sa kontak sa African national

Iya sa dakong sindikato sa ilegal nga drugas sa Africa ang nasakmit nga shabu sa Mactan Cebu International Airport (MCIA).

Tungod niini, ang Philippine Drug Enforcement Agency 7 mohimo og tracking sa posibling contact sa suspek dinhi sa Central Visayas.

Matud ni PDEA 7 Director Jigger Montallana, naa karon sa kustodiya sa mga awtoridad si Pietro Aliquo, kinsa ipaubos nila sa makuti nga imbestigasyon aron masayran kon kinsa ang hatdan sa kapin 17 ka kilo nga shabu.

Giangkon usab niya nga ang African drug syndicate naabot na sa Pilipinas sanglit dili lang kini ang unang higayon nga nakadakop ang mga awtoridad gumikan kay duna nay nadakpan nga mga sakop sa maong grupo sa miaging tuig sa kaulohan.

“Pag-ingun ani, the most famous sa mga ingun ani nga mode of is the African drug syndicate,” matud ni Montallana.

Dugang ni Montallana nga ang gidaghanon sa supply sa ilegal nga drugas nga nasakmit alang kini sa Central Visayas ug sa mga silingang rehiyon.

Sa dihang siya pa ang director sa PDEA 10, dunay supply sa ilegal nga drugas gikan sa Sugbo.

Nagpasabot kini nga di lang alang sa Central Visayas ang nasakmit nga shabu sa airport.

Iyang gipasabot nga ang rehiyon 7 giila nga apil sa super region tungod sa kadako sa populasyon niini diin daghang drugas sama sa National Capital Region (NCR), Region 4A ug Mimaropa. (AYB)