LUYO sa panawagan sa mga senador alang sa mas lapad nga health coverage para sa mga kabus, mipasalig ang Philippine Health Insurance Corporation (PhilHealth) nga dugangan ang
libreng dialysis session ning tuig 2023.
Sumala ni Senador ug Chair sa Senate Committee on Health nga si Christopher "Bong" Go nga mismong siya nagpadayon sa panginahanglan sa pagpausbaw sa mga interbensiyon sa panglawas samtang iyang gibag-o ang iyang pag-apelar sa PhilHealth nga mahimong mas abtik sa pagpaabot sa mga panginahanglanon sa panglawas sa mga Pilipino, ilabi na niadtong nag-atubang sa pinansiyal nga kalisud.
Atol sa Senate Committee on Health hearing sa Universal Health Care law and PhilHealth premium niadtong Miyerkules, Pebrero 1, si Go niingon nga ang iyang gisugyot nga espesyal nga probisyon ubos kini sa PhilHealth 2023 budget diin malampuson nga gisagop, nga nagpakita sa paggamit sa P21 bilyon nga budget alang sa benefit package improvement ubos sa Universal Health Care Act.
"I earlier proposed that this budget should be used for the expansion of free dialysis coverage, mental health outpatient coverage, the implementation of the comprehensive outpatient benefit package, including free medical check-up and other increases in benefit packages," ingon ni Go.
Samtang, gihimug-atan ni Go nga adunay daghang mga disadvantaged nga mga pasyente nga nagpaabot sa iyang opisina alang sa tabang, "Maraming lumalapit po sa aming mga opisina, humihingi ng tulong para sa dialysis, humihingi ng tulong para ma-expand ang dialysis coverage ng PhilHealth."
Kung mapasar ang balaod, ang SBN 190 o ang gisugyot nga "Free Dialysis Act of 2022" mag-tahas sa PhilHealth, sa konsultasyon sa Health Technology Assessment Council, sa paghimo og usa ka komprehensibo nga dialysis benefit package nga hingpit nga motabon sa tanang gasto sa hemodialysis ug peritoneal dialysis treatments, mga sesyon ug mga pamaagi nga gihimo sa PhilHealth accredited-health facilities.
Tungod niini dako ang kalipay sa usa ka dialysis patient nga taga Davao City sanglit dili na sila magka-problema.
"Nakaluy-an tawon nga ingon-ini na, kay pait pa among kahimtang, naay balatian samutan pa nga walang-wala gyod," ingon ni Danilo Hermocilla, 67-anyos nga taga Brgy. Agdao Proper, Davao City.