LIMA ka organisasyon sa mga mag-uuma gikan sa lungsod sa Kabacan, Cotabato Province ang nahimong benepisyaryo sa P12 milyones nga kantidad sa mga makina sa uma ug post-harvest facility gikan sa nasud sa Korea.
Gisulti ni Korea International Cooperation Agency (Koica) Country Director Kim Eunsub nga ang proyekto usa lang sa 16 sa Koica sa pakigtambayayong sa Food and Agriculture Organization of the United Nation (FAO-UN) sa probinsiya.
Nalipay si Kabacan Mayor Evangeline Pascua-Guzman sa tabang gikan sa Korea.
Matud pa niya, ang nasud sa Korea dili lang mailhan sa mga K-drama, apan makapasigarbo ang katawhan sa Kabacan nga usa sila sa labing nalipay sa regalo sa nasud nga farm inputs.
Gipasalig ni Cotabato Governor Emmylou Taliño-Mendoza nga bukas ang pultahan sa probinsiya sa ubang mga proyekto nga gustong ihatag sa Korea ngadto sa mga Cotabateño.
Gidasig usab niini ang mga benepisyaryo sa pag-atiman sa mga gidonar nga makina sa umahan.
Samtang, ang community-based organizations (CBOs) nga nahatagan mao ang Liton-Kibales-Magatos IA, Kilagasan-Poblacion-Magatos IA, Osias SN MPC, Dagupan ARB MPC, ug Kabacan Agri-Resources and Livestock Farmers Association.
Gawas sa CBOs nga gihisgutan, ang University of Southern Mindanao-Soccsksargen Agriculture, Aquatic and Natural Resources Research and Development Consortium, usa usab ka benepisyaryo sa usa ka proyekto nga gitumong sa pagpalambo sa produksiyon sa mais gamit ang Lactic Acid Bacteria Serum.
Mainiton ang pasalamat sa mga mag-uuma nga nangandam sa ilang kaugalingon nga mahimong farmer-entrepreneur.
Superbalita Davao
Mag-uuma nakadawat og kahimanan gikan Korea

Hulagway iya sa Unlad Kabacan
February 03, 2023
- A
A +
View Comments
Disclaimer
SunStar website welcomes friendly debate, but comments posted on this site do not
necessarily reflect the views of the SunStar management and its affiliates. SunStar reserves the right to
delete, reproduce, or modify comments posted here without notice. Posts that are inappropriate will
automatically be deleted.
Forum Rules
Do not use obscenity. Some words have been banned. Stick to the topic. Do not veer away from the
discussion. Be coherent. Do not shout or use CAPITAL LETTERS!