GIPALAPDAN pa sa lokal nga panggamhanan sa Davao City ang PalengQR ngadto sa Toril Public Market ug sa pakig-alayon uban sa mga hingtungdan aron nga sugdan ang laing paglayat alang sa maong plataporma sa Agdao Public Market karong bulana.
Gisulti ni City Economic Enterprises Officer-in-Charge Maximo Macalipes Jr. atol sa I-Speak media forum nga human sa "onboarding activity" sa "digitized financial platforms" sa Bankerohan Public Market niadtong Nobyembre, ang lokal nga panggamhanan -- sa pakig-alayon uban sa Bangko Sentral ng Pilipinas ug sa Department of the Interior and Local Government -- nilusad og "onboarding activity" sa Toril Public Market.
Ang "onboarding" nagpasabot sa pagrehistro sa "merchants and stakeholders" ngadto sa mga lehitimong bangko ug electronic money issuers.
"Last month, we have that one also in Toril Public Market and for this month we are looking for another onboarding activity at the Agdao Public Market," tug-an ni Macalipes.
Sumala ni Macalipes nga ang unang tumong sa programa mao ang pag "roll out digitized financial platforms" ngadto sa micro-entrepreneurs sa tibuok nasud.
Mga financial service providers sama sa Landbank, Asia United Bank, Rizal Commercial Banking Corporation (RCBC), ang electronic money issuers Gcash, PayMaya, ug StarPay nagpabarog og "booths" ug nag-akomodar og mga magpapatigayon kinsa wala pa makabukas og bank accounts sa matag "onboarding" nga kalihukan.
"We look forward to the expansion of the program across all our public markets," tinguha ni Macalipes.
Ang Paleng-QR Ph program hiniusang napalambo sa Bangko Sentral ng Pilipinas ug Department of the Interior and Local Goverment nga nagtumong sa pagmugna og digital payments ecosystem sa nasud pinaagi sa pagpromotar og "cashless payments" sa pampublikong merkado ug lokal nga transportasyon, ilabi na sa mga traysikel. (CIO)