Mamughaay og kahoy nga nagpuyo sa usa ka barangay sa lungsod sa Alicia, Probinsiya sa Bohol gidakop sa mga pulis pinasikad sa warrant of arrest nga giluwatan sa korte niadtong Huwebes, Pebrero 2, 2023.
Ang suspek giilang si Jimmy Apat, 57, nagpuyo sa nahisgutang lungsod.
Matud ni Police Staff Sergeant Johnas Rey Bersano, imbestigador sa Alicia Police Station nga nahinabi sa Superbalita Cebu, nibutyag nga kasong sexual assault subay sa Art. 266-A Paragraph 2 sa Revised Penal Code (RPC) nga may relasyon sa Section 5(B) sa Republic Act 7610 Kun Special Protection of Children Against Abuse, Exploitation and Discrimination Act ang giatubang ni Apat.
Ang korte nitugot og piyansa nga P200,000 alang sa iyang temporaryong kagawasan.
Si Regional Trial Court (RTC) Branch 51 Judge Jorge Espinal sa lungsod sa Carmen maoy niluwat sa warrant of arrest.
Matud ni Bersano nga ang bata nipasangil kang Apat nga nihinol sa iyang kinatawo niadtong Oktubre 2022, apan ang biktima nisumbong sa iyang mga ginikanan.