Usa ka inahan naghikog pinaagi sa pag-inom og duha ka mga botilya sa insecticide, alas 12:15 sa kaadlawon sa Lunes, Pebrero 6, 2023, sa Brgy. Togonon, siyudad sa Danao.
Si Angelie Bogtai Capin, 39, minyo, cashier sa usa ka agrivet supply, nagpuyo sa nahisgutang lugar, gideklarar nga dead on arrival (DOA) sa tambalanan sa Danao.
Si Police Staff Sgt. Allan E. Virtucio, imbestigador sa Danao Police Station nga nahinabi sa Superbalita Cebu, nagkanayon nga ang biktima gikatahong dunay personal nga problema nga nakaaghat kaniya sa pagpakamatay.