USA KA opisyal sa Office of City Building Official sa Dakbayan sa Davao (Ocbo-Davao) nagkuwestiyon sa padayon nga operasyon sa tag-iya og billboard taliwala sa temporaryo nga pagsuspende sa building permits alang sa billboards sa dakbayan.
Si Khashayar Toghyani, Ocbo-Davao officer-in-charge, nagsulti nga bisan sa Executive Order (EO) No. 27 nga "temporarily suspends the issuance of new building permits for billboard owners", mga tag-iya og billboard padayon nga nag-operate.
Ang EO nga epektibo gihapon kon diin gilagdaan ni kanhi Davao City mayor Sara Duterte-Carpio nagkanayon nga kasagaran sa mga billboards sa siyudad naglapas sa Presidential Decree No. 1096 nga nailhan sab isip National Building Code, ug ang uban pang mga balaud ug ordinansa nga dunay kalambigitan niini.
Busa ang billboard permits alang ning mga tag-iya niini temporaryong gisuspende.
"After the stoppage, the billboards were investigated within the city, and it was found that almost 80% of billboards have violations," matud ni Toghyani.
Gisulti niini nga kini nga mga kalapasan naglakip sa pagmuntar og billboards, sayop nga mga gidak-on, ug naka-obstruct sa trapiko.
Tungod niini, gitumbok ni Toghyani nga ang maong mga kalapasan nakatampo sa pagkahugno sa billboard sa Ecoland niadtong Huwebes.
"I believe kini (na company owner) na-issuehan na ni siya og notice of violation," butyag niya.
"Gina-neglect nila among mga notices, so karon since nahitabo na (accident), gina-open na pod nako na sa City Legal, we like to take legal action against them," puno pa niya.
Tungod sa insidente, gikanayon ni Toghyani nga ang Ocbo-Davao molusad og tigum uban sa mga tag-iya sa billboards karong semanaha aron nga mag-istorya kanila.
"This time tungod atong disgrasya mas i-enforce namo, mas istrictohan namo,” tataw pa niya.
"Ang gusto nako pangutan-on sa ilaha on what grounds sila ga-operate ana, gacollect sila og payment from their clients without paying the taxes," sukot niya.
"Kay most probably wala pod sila’y business permit for that, dili sila ka-renew without our building permit and signage permit," dugang pa niya.
Sa pagsuwat ning balita, wala pay pahayag ang mga tag-iya sa billboards. (ICE)