Misulod sa plea bargaining agreement ang suspek nga nasakmitan og kapin sa usa ka kilo nga shabu atol sa ronda sa mga ahente sa Philippine Drug Enforcement Agency (PDEA 7) sa Barangay Canday-ong, Dakbayan sa Dumaguete, alas 10:50 sa gabii, sa Martes, Pebrero 7, 2023.
Ang suspek giila sa PDEA 7 nga si Fernando Saraga, 54, taga Dumaguete city, Negros Oriental, kinsa napusasan human masakmiti og shabu nga mobalor og P6.9 milyunes subay sa standard drug price (SDP).
Matud ni Liea Alcantara, tigpamaba sa PDEA 7, si Saraga nadakpan human sa usa ka impormante nitug-an sa ilang buhatan ug sulod sa unom ka buwan nga gi-monitor una gihimo ang buy-bust.
Si Saraga nakuhaan og mga ebidensya sa ginadaling drugas.
Gihulagway sa kapulisan nga matag buwan, ang suspek makabaligya og usa ka kilo nga drugas.
Kasong kalapasan sa RA 9165 kun Comprehensive Dangerous Drugs Act of 2002 ang atubangon nga kaso sa suspek.