Nagtinguha si Cebu Governor Gwendolyn Garcia nga mo-tap sa kahimanan sa Philippine Coast Guard (PCG) para makatabang sa pag-detect sa pagsulod sa ilegal drugas nga gipayuhot agi sa mga pantalan sa mga dakbayan ug kalungsoran sa lalawigan sa Sugbo, Pebrero 8, 2023.
Kini human nibisita si Garcia sa PCG District Central Visayas Headquarters sa Pier 3 kagahapon, Pebrero 8, 2023, aron susihon ang Vessel Traffic Management System (VTMS) ug National Coast Watch System (NCWC).
Si Commodore Luisito Sibayan, PCG district commander, maoy nisugat sa pagbisita ni Garcia uban sa mga miyembro sa One Cebu Inter-Agency Interdiction Task Force’s (OC-IAITF), diin ang gobernador maoy chairman ug sakop niini ang PCG.
Tinguha sa OC-IATF mao nga malimitahan kon dili man hingpit mapugngan ang pagsulod sa ilegal nga drugas dinhi sa Sugbo ug katambayayong niini ang tanang mga ahensiya sa gobiyerno diin ang ilang buhatan adunay ikatampo aron masumpo ang pagkatap sa ginadiling drugas.