NAKASALBAR ang Philippine Drug Enforcement Agency Davao Region (PDEA- Davao) og 235 ka mga menor de edad nga giingong nalambigit sa ilegal nga druga niadtong 2022.
"Because of the Juvenile Act, nagkaroon ta og mga drug courier nga ginagamit nila ang mga minors," tug-an ni Director Naravy Duquiatan, PDEA- Davao atol sa AFP-PNP press conference sa Royal Mandaya Hotel Miyerkules, Pebrero 8, 2023.
Matud niya nga ang kalambigitan sa mga menor de edad sa ilegal nga druga kasagaran tungod sa bakgrawon sa pamilya.
"Not only in Davao Region but in the Philippines in general, product sila sa broken family, peer pressure, the influence of friends and they are used to be with drug personalities," pagklaro ni Duquiatan.
Dugang pa niya nga isip naa sa "drug personalities" isip menor ug midako, suheto na sila kon unsaon kini paggamit.
"Dili na ni bag-o sa ilaha, and sad to say some of them even at a young age used illegal drugs," butyag niya.
Giedukar na nila ang mga menor nga naluwas bahin sa epekto sa ilegal nga druga, apan giklaro niya nga ang pagwagtang niini nga matang sa kaso lisud himuon.
"Because of the reward nga given to them by the drug courier, kay ma-entice gyud sila na maging drug courier because they don’t have criminal liability," pung pa niya.
Samtang, ang away sa ilegal nga druga sa mga menor, sulti niya nga nakigkoordinar na sila uban ang Department of Education (DepEd).
"Since nag-open na atong classes, mag-conduct ta og lectures and seminars especially to high school students kay diri ga-astart ang mga vices kay they might use illegal drugs, especially kung naa silay peer pressure and influence sa mga barkada," yagyag ni Duquiatan.
Gisulti ni Duquiatan nga tanang naluwas nga mga menor de edad giduso na ngadto sa Davao City Social Welfare and Development (CSWD) ug hugot silang nakig-alayon uban sa Department of Social Welfare and Development (DSWD)-Davao Region ug sa lokal nga panggamhanan sa siyudad aron nga hisgutan ang Juvenile Justice Act, ug sa uban pang munisipalidad sa rehiyon. (KSD)