Biyudo natigbasan sa iyang paryente kay nagkalalis sa utlanan sa yuta alas 10:30 sa buntag sa Sabado sa Sitio To-ong, Brgy. Sam-ang, dakbayan sa Toledo.
Si Florencio Babylon Guillano, 75, nagpuyo sa nahisgutang lugar, samdan sa wala nga bukton human giingong tigbasa sa suspek nga si Felix Paran Verano ,70, minyo, mag-uuma.
Si Police Staff Sgt. Jonathan Cuizon, imbestigador sa Toledo City Police Station nga nahinabi sa Superbalita Cebu, nagkanayon nga ang biktima ug suspek nag-abot sayo sa buntag sa ilang umahan.
Nagkalalis sila pagbalik sa ilang problema sa utlanan sa yuta.
Gumikan sa panaglalis, giingong gitigbas sa suspek ang biktima, kinsa naigo sa wala nga bukton.