Nagkadaiyang sports activities ang ipahigayon unya sa lungsod sa Moalboal karong buwan sa Mayo pinangulohan sa aktibong leader ug sports enthusiasts nga si Mayor Titing Cabaron.
Lakip sa mga duwaon mao ang numero una nga sport sa nasod, ang basketball, apil na pud ang nagsulbong nga esports nga mao ang Mobile Legends, dayon-dayon nga volleyball ug ang chess.
Ang Mobile Legends tournament gidumala ni Ryan Abarquez Balbuena, kinsa ang esports tournament director sa Cebu Schools Athletic Foundation Inc., ang unang school-based nga liga sa nasod nga milakip sa esports sa ilang calendar of activities.
Ang chess event dalhon sa Cebu Chess Hub. Lakip sa ilang idalit mao ang seminar alang public school teachers ni inilang coach Mark Mangubat nga maoy mobuylo sa Chess in Schools nga program sa lungsod.
Lakip sa aktibidadis sa chess mao ang kiddies tournament, open event alang sa mga residente sa Moalboal, ug 20-board simul ni International Master Rico Mascarinas.
Ang basketball ug dayon-dayon nga volleyball tournament dumalaon sa local committee.
Batbat ni Cabaron nga ilang gituyo pagbuhat ni nga mga duwa aron mahatagan og higayon ang kabatan-onan sa Moalboal nga mapalapdan ang ilang abilidad og posible nga madiskobre kini sa school-based nga liga.
“We are holding these events to give our youth a chance to compete and to be discovered, especially now that Mobile Legends, along with chess is part of the Cesafi calendar,” sigon niya Cabaron. “This is also to support Gov. Gwen Garcia’s aggressive campaign against drugs since sports will help keep our youth stay away from drugs.”