Moabot na sa 1,162 ka mga binuhing hayop ang gipabakunahan batok sa hemorrhagic septicemia (HEMSEP), sa dakbayan sa Naga, Sugbo.
Subay sa uwahing datos, moabot ngadto sa 379 na ka mga mag-uuma ang nakabenepisyo sa pagpamakuna sa kahayupan nga gikan sa Barangay Patag, Alpaco, Cantao-an ug Mayana sa nahisgutang dakbayan.
Ang hemorrhagic septicemia o HEMSEP usa ka bacterial disease nga hinungdan sa taas nga hilanat ug acute respiratory distress sa mga binuhing baka, kabaw, ug kanding.
Sa pagkakaron nagpadayon ang libreng HEMSEP vaccination pinaagi sa barangay visitation service sa Office of the City Veterinarian.