Temporaryong mga balay sa nasunogan sa Looc, Mandaue ipang-apud-apod

Dili mominos 24 ka temporary housing units ang nahuman na ug ipang-apud-apod dili madugay ngadto sa mga pamilya nga nabiktima sa sunog niadtong Nobiyembre 22, 2023 sa Barangay Looc, dakbayan sa Mandaue.

Si Engr. Marivic Cabigas, pangulo sa Department of General Services (DGS), nagkanayon nga ang temporaryong kabalayan naa sa Barangay Guizo, atbang sa Cebu International Convention Center (CICC), nga gikatakda nga mahatag na sa Marso 18, 2023.

Matud ni Cabigas, dunay kinatibuk-ang 100 ka units nga gibahig sa upat ka mga bloke.

Ang mga balay gidonar sa mga sakop sa Mandaue Chamber of Commerce and Industry (MCCI) uban sa pag-abag sa pundo sa Mandaue City Government.