Habal-habal drayber ‘miunay og lugos’ sa anak sa iyang barkada, nasikop

Google map
Google map

Habalhabal driver nga gipasanginlan nanglugos sa 6 anyos nga anak sa iyang silingan napusasan alas 6:10 sa gabii sa Lunes sa Sitio Kalipay, Brgy. Valladolid, dakbayan sa Carcar human nalutsan og warrant of arrest.

Ang akusado nga si Bert (tinuod nga ngan gipugngan aron panalipdan ang identity sa biktima), 62, minyo, nagpuyo sa lugar, higala sa amahan sa bata.

Si Bert gidakop pinaagi sa warrant of arrest nga gipetsahan og Pebrero 13, 2023 sa kasong rape ubos sa par.1 (A) ug (D) sa Article 266-A sa Republic Act 8353 kun Anti Rape Law of 1997 nga may kalambigitan sa Republic Act 7610 kun Special Protection of Children Against Abuse, Exploitation and Discrimination Act.

Way piyansa nga gitugot si Branch 11 Judge Ernesto Engracia Narido sa Regional Trial Court (RTC), 7th Judicial Region sa Carcar City.

Si Police Lt. Col. Ardioleto Cabagnot, hepe sa Carcar City Police Station nga nahinabi sa Superbalita Cebu, nagkanayon nga ang suspek kanhi security guard, apan human miretiro, naghabalhabal driver sa ilang lugar.

Ang kremin giingong nahitabo sa miaging tuig dihang ang bata giingong gidala sa suspek ngadto sa usa ka payag.

Ang kremin nabutyag kay nasakpan sa maguwang sa bata ang suspek. “Naa may payag sa ilang lugar. Mingaw daw didto nya giplastada, gihilabtan ang bata,” dugang ni Cabagnot.

Tungod niini, nitug-an ang maguwang kabahin sa gihimo sa suspek ngadto sa iyang manghod.

Wala magdahom ang mga ginikanan sa bata nga mahimo sa suspek ang kremin kay suod kaayo sila sa amahan niini.

Sumala ni Cabagnot nga ang suspek nagdumili sa pagluwat og pamahayag.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph