NASIKOP sa mga tanod sa barangay ang usa ka kawatan nga gitudlong maoy misulod ug nangawat sa balay sa usa ka ginang.
Gihimo ang pagdakop didto sa Purok 5-A Evacon, Barangay Tubod, Carmen ala 1:00 sa kaadlawon, Martes, Pebrero 21, 2023.
Ang suspek giila nga si Robert Decasa Buhayon, 31, nga taga Salvador, Sierrabullones, Bohol ug kasamtangang nanimuyo sa Purok 5-2, Barangay Tubod, Carmen.
Base sa inisyal nga imbestigasyon, nasayran nga ang biktima nga si Dedelyn Satinitigan, 41, minyo, natulog sulod sa gipuy-an niining balay ala 1:00 sa samang adlaw dihang nakamata sa kanaas ug sa dihang gisusi maoy nakit-an ang suspek nga nakasulod na ug gikuha ang kolor blue Infinix selpon nga kantidad og P7,000.
Matud pa nga alas 10:00 sa buntag, gisumbong sa biktima ang maong hitabo ngadto sa ilang purok chairman ug uban sa tabang sa mga brgy. tanod naaresto ang suspek ug narekober sa posisyon niini ang gikawat nga selpon.
Ang dinakpan gitunol ngadto sa mga mirespondeng pulis ug gikustodiya na sa Carmen Municipal Police Station aron nga pasakaan og tukmang kaso.