Pangandam gihugtan sa Davao

Pangandam gihugtan sa Davao
Pangandam gihugtan sa Davao

SAMTANG nangandam ang lokal nga panggamhanan sa Davao sa nagkadaiyang aktibidad nga nakahan-ay alang sa kasaulogan sa 86th Araw ng Dabaw ug uban pang dagkong mga kalihukan nga idumala niini sa Marso, duha ka gabii nga simulation exercises ang gilusad niadtong Lunes, Pebrero 20, 2023, sa Roxas Night Market ug Nova Plaza Food Park.

Gikanayon ni Task Force Davao (TFD) commander Colonel Darren Comia, sa paghinabi sa telepono atol sa Davao City Disaster Radio’s (DCDR’s) special coverage sa simulation exercise, mga niresponde nga mga personahe gikan sa Safety and Security Cluster mihimo sa gilauman.

"Maganda naman pagkaka-perform ng ating Safety and Security Cluster. May minor glitches pero overall maganda naman pagkaka-perform based on security tasks ng ating simulation exercises. Tinitingnan natin ang response ng cluster during night time," tug-an ni Comia.

Gibutyag sab niini nga ang Roxas Night Market, sa may Roxas Avenue, ug Nova Plaza Food Park sa Lanang maoy napili nga lokasyon alang sa simulation exercises tungod kay kini ang apil sa mga adtoan kanunay sa mga Dabawenyo.

Nagpasalamat si Comia sa Dabawenyos tungod sa ilang pagsabot, suporta, ug pagsalmot sa crucial exercises aron nga motabang sa pagpalig-on pa sa kaandam sa Safety and Security Cluster sa siyudad sa pagtubag sa di damhon nga mga insidente.

"Pagpasensyahan nyo na po at nagpi-prepare tayo sa parating at maraming activities na kailangang paghandain ang Safety and Security Cluster," puno pa sa hepe sa TFD.

Samtang gisulti ni City Information Office (CIO) officer-in-charge Harvey James Lanticse, kinsa nisalmot sa pagtubag sa mga ahensiya sa Nova Plaza Food Park nga ang simulation exercises kabahin sa kampanya sa siyudad sa culture of security.

Gikanayon ni Lanticse nga, "Gi-simulate ra ang scenario kung adunay untoward incident nga mahitabo sa dakbayan to test the capabilities of the Security Cluster, at the same time sa atong LGU ug katawhan."

Butyag niya nga ang simulation exercises wala gipahibawo aron nga himuon kining mora og tinuod, sama sa wala damhang mga insidente.

Sa Roxas Night Market, ang simulation exercise naglambigit sa gibilin nga motorsiklo. Ang lugar kon asa kini nakit-an, daling gikordon samtang gisusi sa mga nirespondeng mga awtoridad.

Gidungan sab ang pagpabusikad sa insidente sa Nova Plaza Food Park.

Naobserbahan nga naghuot ang trapiko sa Lanang going padulong sa Dusit Davao Hotel tungod sa aktibidad apan wala madugay milurang ra sab. (Uban sa taho sa CIO-Davao)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph