Ang Archdiocese of Cebu mopresentar sa resulta sa pagtuon sa gisugyot nga pagmugna og dugang duha ka dioceses o SugboSwak ngadto sa Catholic Bishops’ Conference of the Philippines (CBCP) karong Hulyo 2023.
Atol sa paglusad sa coffee table book sa “Ecce Sacerdos: Celebrating the Priesthood in 500 Years of Christianity” niadtong Pebrero 24, 2023, si Arsobispo Jose Palma niingon nga human sa presentasyon sa proposal ngadto sa CBCP, ang mga inisyal nga dokumento sa gisugyot nga mga dibisyon sa Archdiocese sa Sugbo ipadala sa Roma nga ilang gipaabot nga mosangko sa mga komento ug pangutana sa Vatican aron mas maklaro ang mga desisyon nga gihimo.
“When we present it to Rome, it should be in a way that the many aspects of the division should be already well prepared and presented and given adequate explanation, and I would say, reason for the division,” matud ni Palma sa SunStar Cebu.
Dugang ni Palma nga ang pagtuon sa SugbuSwak gilangkuban sa lainlaing mga bahin nga gihimo sa nagkalain-laing komitiba sama sa committee on orientation o formation nga gipangulohan ni Cebu Auxiliary Bishop Midyphil “Dodong” Billones nga maoy nagsilbing chairman sa komite.
“The whole idea is, we hope to be able to come out with an integrated outlook, but more importantly, we start with the formation program. I think by the end of February, the modules would be prepared already,” dugang ni Palma.
Kaniadto, atol sa paglusad sa coffee table book sa Capelinha de Fatima Cebu niadtong Pebrero 17, 2023, si Palma nitug-an sa media nga ang ideya sa pagbahin sa archdiocese ipresentar sa matag panagtapok nga tambongan sa mga pari aron mas masabtan nila ang konsepto ug plano niini.
Adunay pipila nga nagpanuko sa ideya sa sinugdanan, ang Arsobispo miingon, apan karon, pagkahuman nasayran ang bahin sa panan-aw sa SugbuSwak, wala siyay nakita nga seryoso nga pagduha-duha sa pagpatuman niini.
Dugang pa niya nga ang mga reaksyon gikan sa mga layko nagpakita nga sila madasigon sa three-way split alang sa archdiocese tungod kay ilang nakita nga kini alang sa kaayohan sa labing dako nga diyosesis sa nasod.
“The study is open to reflection. We are not close to possible reactions from people. We would like to believe that given time, the proposals will gain more definitive recommendations,” dason niya.
Ang mga lokasyon alang sa bag-ong mga diyosesis wala pa matino sa pagtuon, apan si Palma niingon nga mas bintaha nga adunay usa ka artsidyosesis sa North ug South sa Sugbo. (Jenika Gi-An C. Nero, STC Intern)