Usa ka giingong Department of Education (DepEd) administrative assistant nadakpan sa buy-bust, alas 9:11 sa gabii sa Dominggo, Pebrero 26, sa Poblacion, lungsod sa Aloguinsan.
Ang suspek giilang si Ronel Aliling Restauro, 37, ulitawo, molupyo sa naasoy nga dapit.
Si Police Captain Roberto Barnido, Jr., hepe sa Aloguinsan Police Station niingon nga gipalitan og usa ka putos nga shabu nga mobalor og P500.
Nakuha sa posisyon sa suspek ang lima ka putos nga shabu nga motimbang og 0.25 gramos nga mobalor og P1,700, P300 nga halin, P500 nga buy-bust money.
Gibutyag ni Barnido nga ang suspek kanhi drug surrenderer sa Oplan Tokhang sa miaging administrasyon ni Presidente Duterte.