Ang Japanese musician, film maker Ken Iwamoto, a.k.a. iwapt, nagkampiyon sa 2nd Chiba’s Otaki Town Short Movie contest diin ang awarding gipahigayon niadtong Pebrero 21, 2023.
Ang entry ni iwapt nga ‘Bathroom Orchestra Instrumental’ music video adunay collaboration sa mga Filipino artist, ilabi na ni Yeng Constantino ug Nino Regalado (drummer sa Pinoy rock band nga Neocolours).
Ang music video makita sa official YouTube channel sa Otaki Town o sa link nga: https://youtu.be/yJXxmw_ia04
Si iwapt maoy kompositor sa music ug drums nga gi-record sa Manila.
Ang music video naghisgot sa Otaki Town nga naila sa kanindot sa ilang kinaiyahan, ilabi na ang background music nihaom.
Nailhan sab ang Otaki Town sa autumn leaves sa Japan diin kadtong magpahulagway makasinati sa colorful panorama ug modan-ag ang kahayag sa kolor sa mga dahon sa panahon sa kagabhion.
Garbo alang ni iwapt nga maoy napili nga winner sa grand prix championship nga gisalmotan sa mga Japanese film professional.
Ang music video ni iwapt na-feature sa GMA Regional TV Live sa miaging tuig.
Nakahimamat sab ni iwapt ang Bisrock band ‘Missing Filemon’ ug gidapit sab siya sa birthday ni Mandaue City Mayor Jonas Cortes. (PR)