Mga sagol:
Set A:
2 ka buok dagkong nukos
Whites gikan sa 2 ka itlog
2 ka kutsara sa cornstarch
1/4 tasa sa harina
Asin pangtempla
Mantika, pangprito
Set B:
2 ka kutsara sa butter
3 ka lusok sa ahos
1 ka buok siling pansigang (green finger chili)
1 ka buok gamay nga red bell pepper
Spring onion
Asin ug ground black pepper pangtempla
Unsay buhaton:
1. Limpyuhi ang nukos. Kuhaa ang ulo ug backbone sa nukos. Hiwaa ang nukos sa tunga ug hiwaa og gagmay. Hiwai og 4 ka slits dayon human hiwaa
2. Templahi ang nukos og asin ug idugang ang egg white (langitlangit). Ukaya.
3. Human og ukay, idugang ang cornstarch aron molapot. Sa usa ka bowl, ibutang ang usa ka kutsara sa cornstarch ug upat ka kutsara sa harina ug sagula og maayo; ibutang ang nukos sa mixture, i-dredge, ug pritoha hangtod mag golden brown.
4. Inita ang kaha, idugang ang butter ug kon kini mahilis, gisala ang ahos, green chili ug red bell pepper, ug lutoa hangtod manghumot. Idugang ang fried nukos ngadto sa kaha, butangi og asin ug pepper.
5. Ukaya. Butangi og hiniwa nga spring onion sa ibabaw isip garnish sa di pa i-serve.