Mandaue, ‘Lacion, Cordova nakadawat P21.2M gikan sa Kapitolyo

File photo
File photo

Ang Cebu Provincial Government nihatag og kinatibuk-ang P21.2 milyunes nga financial assistance ngadto sa tulo ka local government units (LGUs) Sugbo atol sa ikatulong paghunong aron mahatod ang Caravan of Government Services sa Marso 6, 2023.

Ang Mandaue City nakadawat og P8.4 milyunes nga hinabang pinansyal, P7 milyunes ang nadawat sa munisipyo sa Consolacion ug ang Munisipyo sa Cordova nakadawat og P5.8 milyunes.

Ang ayuda gamiton sa nagkalainlaing infrastructure projects sa matag LGU.

Si Gobernador Gwen Garcia, uban ni Board Members Glenn Soco ug Thadeo Jonkie Ouano, personal nga ningtunol sa mga tseke ngadto kang Mandaue City Mayor Jonas Cortes nga gisaksihan ni Bise Mayor Glenn Bercede, mga sakop sa Sangguniang Bayan ug presidente sa Association of Barangay Councils.

“Ang mga Sugboanon nangita og serbisyo nga matinud-anon,” matud ni Cortes.

Ang mayor nipasalamat sa padayong suporta ni Garcia ngadto sa Siyudad ug ubang mga lungsod.

Ang Mandaue city usa na ka highly urbanized city busa di na ubos sa Probinsya sa Sugbo.

Silang Bercede, Bise Mayor Victor Tago sa Cordova, ug Bise Mayor Aurelio Damole sa Consolacion, nipakita usab sa ilang suporta sa Caravan of Services sa Kapitolyo.

Kagahapon, si Gobernador Garcia niduaw usab sa lungsod sa San Remigio aron dad-on ang samang serbisyo ug hatagan og ayuda aron tabangan ang lungsod.

Isunod usab sa gobernador ang Sta. Fe ug mga isla sa Bantayan.

Sa miaging semana, ang unom ka mga LGU nga gilangkuban sa mga lungsod sa Liloan, Compostela, Carmen, Catmon, Sogod ug Borbon sa fifth district maoy nagbahinbahin sa P46 milyunes nga financial assistance nga gikan sa Kapitolyo nga maoy labing una nga nakatilaw sa Caravan of Services sa Probinsiya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph