Manlupig sa edaran posasan

File photo
File photo

GISANG-AT karon ang usa ka balaudnon sa Kongreso diin nagtinguha nga mabalhog sa prisohan ang mga tawo nga mapamatud-ang sad-an sa pagpahimulos, pagpabaya, o pag-abuso sa mga tigulang.

Si Davao City First Congressional District Representative Paolo Duterte ug laing duha ka mga magbabalaod ang misang-at niini sa Kongreso diin nailhan kining House Bill (HB) 4696 kun Anti-Elder Abuse Act.

Gihangyo nila Duterte, Benguet Representative Eric Yap, ug ACT-CIS Partylist Representative Edvic Yap ang pagtukod og senior citizen help desks sa matag barangay aron mahatagan dayon og tabang ang mga victim-survivors sa pag-abuso sa mga tigulang.

Ang HB 4696 nagmando usab sa Department of Justice (DOJ) nga magtukod og mga special prosecution units nga eksklusibong magdumala sa mga kaso sa kapintasan batok sa mga senior citizens.

"Elderly citizens, like our lolos and lolas, should be honored, cared for, and respected. Unfortunately, many of our senior citizens still suffer abuse, most of the time, even from the very people who are supposed to care for them, as shown by news reports and reliable posts on social media. Worse, many cases of elder abuse go unreported and unpunished. Our bill aims to prevent these," ingon ni Duterte.

Ubos sa maong lakang, ang mga buhat sa pagpanlupig batok sa mga senior citizens naglakip sa "physical abuse or infliction of pain or injury with the use of physical force resulting in bodily injury, physical harm, pain or impairment, suffering or distress; ug sikolohikal, mental o emosyonal nga pag-abuso nga nagpahinabo'g mental o emosyonal nga pag-antos o kagul-anan."

Ang materyal nga pagpahimulos pinaagi sa ilegal o dili husto nga paggamit sa mga pundo o kahinguhaan sa senior citizen, ug ekonomikanhon o pinansyal nga pag-abuso pinaagi sa mga buhat nga naghimo sa senior citizen nga nagsalig sa pinansyal giklasipikar usab nga mga buhat sa kapintasan batok sa mga tigulang.

Laing buhat sa kapintasan ubos sa balaudnon mao ang pag-abandonar o pagbiya sa usa ka tawo nga adunay kustodiya o adunay responsibilidad sa pag-atiman sa usa ka senior citizen.

"Elder abuse does not only cover the intentional act, but also the failure to act on the needs of the elderly," ang butyag sa bill authors.

"This measure seeks to ensure that our senior citizens are given protection from all forms of violence, abuse, neglect, exploitation, and coercion, especially acts detrimental to their safety and security," dugang ngari.

Ang minimum nga silot ubos sa balaudnon mao ang arresto mayor (usa ka bulan ug usa ka adlaw ngadto sa 6 ka bulan) alang sa mga buhat sa kapintasan batok sa mga tigulang nga miresulta sa gamay nga pisikal nga kadaut.

Mga buhat sa pagpanlupig batok sa mga tigulang nga naglangkob sa constituting attempted, frustrated, or consummated parricide, murder, or homicide, ug kadtong moresulta sa mutilation "pagasilotan sa mga probisyon sa Revised Penal Code," sumala sa balaudnon.

Ang tanan nga ubang mga buhat sa kapintasan batok sa mga tigulang prisohan ug momulta nga dili moubos sa P100,000 apan dili molapas sa P300,000.

Ang maong lakang nagkinahanglan usab sa mga tawo nga mapamatud-an nga sad-an sa bisan unsa nga buhat sa kapintasan batok sa mga tigulang nga moagi sa mandatory psychological counseling o psychiatric treatment ug kinahanglang motaho sa ilang pagsunod ngadto sa korte.

Ang usa ka respondent sa usa ka reklamo batok sa pag-abuso sa mga tigulang ibutang usab ubos sa usa ka hold departure order nga ipagawas sa mga korte, sumala sa HB 4696.

Ang mga tigpatuman sa balaod, mga opisyal sa barangay, ug mga tawo nga mapakyas sa pagtaho sa mga buhat sa kapintasan batok sa mga tigulang silotan usab ubos sa balaudnon.

Ang mga biktima sa pag-abuso sa mga tigulang mahimo usab nga mag-file og mga mando sa pagpanalipod batok sa ilang mga nakasala ubos sa balaodnon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph