Nilingkod ang bag-ong direktor sa Department of Agriculture (DA 7) niadtong Miyekules, Marso 8, 2023. Gibalik sa iyang plantilla position si Angel Enriquez, kanhi labing taas nga opisyal sa DA, human siya nakadawat og kamanduan gikan sa DA Central Office.
Matod ni Enriquez, aduna nay bag-ong regional director nga gitudlo alang sa DA 8 samtang si Joel Elumba, kanhi OIC sa DA 7, nibalik na sa iyang plantilla position isip Regional Technical Director (RTD) sa buhatan.
Ang pagbalik ni Enriquez sa DA-7 natayming sa pagtumaw sa ASF, human nga adunay baboy nga gipaihaw sa slaughter house sa Carcar City apan ang maong problema dili na bag-o alang kaniya kay aduna na siyay kasinatian sa maong virus dihang siya nadestino pa sa region 8.
Karong adlawa, si Enriquez gikatakda nga makighimamat kang Elumba alang sa transition ug pag-brief sa bag-ong nabalik nga regional director sa mga panghitabo sa area sa DA 7 labi na sa isyu sa ASF.
Ipatawag usab niya ang mga personnel sa Bureau of Animal Industry (BAI) alang sa ilang hiniusang mga lakang aron pakigbatokan ang virus nga nikatap sa tulo ka mga barangay sa Carcar City.