Garcia mihatag og P70.1M projects alang sa Ginatilan

MIBISITA: Si Gob. Gwendolyn Garcia mibisita sa lungsod sa Ginatilan alang sa duha ka mga dagkong proyekto. / GIKAN SA SUGBO NEWS
MIBISITA: Si Gob. Gwendolyn Garcia mibisita sa lungsod sa Ginatilan alang sa duha ka mga dagkong proyekto. / GIKAN SA SUGBO NEWS

Dili basehan ang gidak-on sa lungsod ang mga proyekto nga iyang madawat gikan sa Kapitolyo, sumala ni Gobernador Gwendolyn Garcia, human ang Kagamhanan sa Lalawigan nigahin og P70.1 milyunes sa Ginatilan alang sa imprastraktura.

Ang mga proyekto maglakip sa usa ka taytayan ug pagsemento sa dalan paingon sa Inambakan Falls, sikat nga waterfalls sa lungsod.

Ang Ginatilan nga usa ka fifth class municipality adunay 16,906 nga populasyon gikan sa 14 ka mga barangay base sa 2020 census ug adunay P57 milyunes nga regular revenue niadtong 2016, gihatagan og dako nga proyekto sa gobernador.

Sa maong pundo, P11.28 milyunes niini alang sa Paradahan RCDG Bridge ug ang P58.82 milyunes nga road concreting paingon sa Inambakan Falls.

Si Garcia maoy nangulo sa groundbreaking sa duha ka dagkong mga proyekto sa Ginatilan atol sa pagbisita sa Caravan of Government Services sa 7th district , Marso 9, 2023.

Ang Inambakan Falls maoy usa sa mga sikat nga falls sa habagatang Sugbo nga kinaham dagsaon sa mga turista nga mobisita sa Ginatilan.

Samtang, ang unom ka local government units (LGU’s) sa 7th district nakadawat usab og assistance gikan sa Kapitolyo sa samang adlaw.

Gitunol ni Garcia ang tag P8 milyunes ngadto sa Ronda, Alcantara, Badian, Alegria, ug Malabuyoc samtang P7.8 milyunes alang sa Moalboal.

Ang ayuda gamiton sa mga LGU alang sa ilang proyekto nga imprastraktura diin ang makabenepisyo mao ang ilang mga lumolupyo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph