Duha ka mga resolusyon ang personal nga gitunol ni Cebu Governor Gwendolyn Garcia ngadto kang Pamplona Mayor Janice Vallega-Degamo kagahapon, Marso 10, 2023, sa haya sa iyang bana nga si Negros Oriental Governor Roel Degamo sa dakbayan sa Dumaguete.
Si Garcia giubanan sa pipila ka mga sakop sa Sangguniang Panlalawigan (SP) nga sila si Glenn Soco, Thadeo Ouano, Mike Villamor, Andrei Duterte, Victoria Corominas-Torribio, Cesar Baricuatro, Jerome Librando, ug Raymond Calderon.
Unang resolusyon mao ang pagpadangat sa pahasubo sa Cebu Provincial Government ug ang panawagan sa hustisya sa brutal nga kamatayon sa gobernador ug sa uban pang mga nakalas sa panghitabo.
Lakip sa niduaw kauban sa gobernador sila si Department of Agriculture (DA) Assistant Secretary Salvador Diputado, Land Transportation Office (LTO 7) Director Victor Caindec, Dept. of Social Welfare and Development (DSWD 7) Director Shalaine Lucero, Santander Mayor Monique Buscato ug Samboan Mayor Emerito Calderon.
Niadtong Sabado, Marso 4, 2023, gipusil-patay si Governor Degamo ug walo ka mga tawo ang naangin samtang nag-abi-abi siya sa mga residente sa lungsod sa Pamplona nga benepisyaryo sa 4Ps sa compound sa ilang panimalay.