Albularyo nga wanted sa kasong pagpanulis nasikop ala 1 sa hapon sa Sabado, Marso 11, 2023 sa Brgy. Poblacion, lungsod sa Badian, Sugbo.
Ang akusado giilang si Midsmar Coloran Bantolinay, 29, dunay kapuyo, lumad nga taga Tamurayan Dumingag, Zamboanga del Sur apan nagpuyo Barangay Poblacion, Badian.
Siya nasikop sa joint operation sa Badian Police Station ug Dumingag Police Station sa Zamboanga del Sur.
Si Police Major Philip John Libres, hepe sa Badian Police Station nga nahinabi sa Superbalita Cebu, nagkanayon nga si Bantolinay nasikop pinasikad sa warrant of arrest sa kasong robbery with force upon things nga giisyu ni Regional Trial Court, Ninth Judicial Region, Branch 23 Judge Judge Jaime B. Caberte sa Molave, Zamboanga del Sur nga gipitsahan og Agusto 5, 2014.
Siya gitugtan sa hukmanan nga makapiyansa og P24,000 alang sa iyang temporaryong kagawasan.
Malinawon nga nitahan si Bantolinay dihang gi serve ang warrant of arrest. (GPL)