Usa ka Sugbuanong magbabalaod nisugyot og balaudnon nga nag-ila sa mga paningkamot sa day care workers sa nasod.
Si Cebu City Second District Representative Eduardo "Edu" Rama Jr., nisang-at og balaudnon nga naghatag og igong suweldo sa day care workers sa nasod, seguridad sa pagpanarbaho, benepisyo, ug prebilihiyo, ug uban pang benepisyo.
Ang House Bill 6883 o ang Magna Carta of Day Care Workers nagtumong sa pagsagop sa mga polisiya nga makapauswag sa sosyal ug ekonomikanhong kaayohan sa day care workers, kinsa gitahasan sa paghatag ug preschool education ug social development services ngadto sa mga bata.
Sa pamahayag ni Kongresista Rama, iyang gisubli ang panginahanglan ug kaayohan sa kabataan sa sayong pangedaron, "kinahanglan nga hatagan ug gahom ug palamboon ang mga naghalad sa ilang kinabuhi sa pag-ugmad ug pag-umol sa kabatan-onan."
Ang magbabalaod midugang nga ang mga day care worker, nga nakadawat lamang og gamay nga honorarium.
"Nag-una nga nakigbahin sa paghatag sa mga serbisyo sa pagpalambo sa sayo nga bata ug mga programa sama sa pag-atiman, sosyal nga kalamboan, edukasyon, proteksyon, ug uban pang panginahanglan sa mga bata nga nag-edad og upat ka tuig paubos sa tanang day care center nga gipasiugdahan sa gobiyerno," pulong sa kongresista.
SWELDO
Ubos sa maong balaodnon, ang tanang day care workers sa nasod adunay duha ka plantilla position nga naglakip sa Day Care Worker I ug Day Care Worker II, ang mga posisyon makadawat og Salary Grade 6 (P17,553) ug Salary Grade 8 (P19,744) matag usa.
Ang maong balaudnon magtukod ug Special Personnel Selection Board (SPSB) nga magsusi sa mga kandidato ug maghimo ug pundok sa 10 ka mga kwalipikadong aplikante alang sa posibleng pagtudlo sa mga subject positions.
"The SPSB shall be composed of the local social welfare development officer as the chairperson, the punong barangay, local health officer, human resource management officer, and LGU members," matod ni Congressman Rama.
Gawas sa gisugyot nga kompensasyon, ang matag day care worker hatagan ug mga benepisyo sama sa overtime pay, hazard allowance, ug subsistence allowance.
"Added benefits shall include an automatic membership of these workers to the government's mandatory monthly contributions for GSIS, PhilHealth, and Pag-IBIG, which at the present, most of them are paying their contributions voluntarily," dugang pagapsabot niya. (PR)