Dear Papa Joe,
Ako diay si Efren, 40 anyos ug minyo, naay mga anak na. Ang akong problema kay kabahin sa scandal nga gipakatap sa akong amigo kay nag-inom man gud mi aning among mag barkada. Sa ka grabeng kahubog nako, ila diay kong gi-videohan ug gisakyan akong kahubog kay nisakay man usa ka amigo namo nga mura naman mi nag-scandal.
Wa na gyud koy kalibutan ato nga sige na ko og gakos sa kahubog sa akong amigo nga mura na ko tan-awon nagsige og hawok. Karon mao ni ilang gipakatap nga bayot daw ko kay nang haras na daw ko sa among amigo. Gubota na hinuon namo sa akong pamilya kay mas nituo man sila sa video kay kanako. Unsa may buhaton nako? Tambagi ko.
EFREN
Efren,
Mao nay resulta sa inom lagi, daghan pwede nga mahitabo kon lango na kaayo. Pwede away, patay ug kanang nabuhat nimo. Pwede tinuod na sa normal nga panghunahuna nimo. Moingon ka nga di ka tinuod nga bayot pero kon mahubog, natural na siya mogawas sa imong pagka tawo.
Kon di nimo maagwanta, para likay sa kagubot, mas maayo na nga ipabarangay nimo ang nagpakatap ana para maundang. Sunod focus na lang ka sa imong pamilya kay basin sunod nimong kahubog, makaladlad na sad ka.
PAPA JOE