Dul-an sa unom ka tuig sukad sa Siege sa Marawi, ang ulohang dakbayan sa Lanao del Sur gikatakdang mo-host sa ilang unang local electoral exercise ning adlawa, Marso 18, 2023, human ang Commission on Elections (Comelec) mohimong og dungan sa plebisito sa duha ka mga barangay.
Sa usa ka pamahayag, si Comelec Spokesman John Rex Laudiangco niingon nga ang mga plebisito sa Barangay Boganga ug Sagonsongan mao na ang unang higayon sa Marawi City sukad niadtong 2017.
“These plebiscites will have the distinction of being the first plebiscites, and exclusively local electoral exercise to be held in the aftermath of the siege and hostilities and liberation of Marawi City in 2017,” matod ni Laudiangco.
Gipaluyohan ni Comelec Chairman George Garcia ang pamahayag nga nagkanayon nga ang pagpahigayon sa plebisito nagpasabot sa kalig-on sa mga botante sa Marawi City.
“It has been too long since we have stepped inside the so-called ground zero here in Marawi City. Us holding the plebiscites here is a huge symbolism of their recovery,” matod ni Garcia sa interview sa reporters.
Ning adlawa, duha ka plebisito ang ipahigayon sa Comelec sa Marawi City alang sa katukoran sa duha ka dugang barangay.
Ang unang plebisito subay sa City Ordinance No. 07-010 Series of 2022, nga nagtinguha nga mamugna ang Barangay Boganga II gikan sa inahan nga barangay sa Bongaga.
Ang pagbotar himoon sa tulo ka clustered precincts sa Kilala Elementary School voting center alang sa 992 ka rehistradong botante sa Barangay Boganga.
Sa laing bahin, ang ikaduhang plebisito gibase sa City Ordinance No. 05-010 Series of 2022, nga nagtumong sa pagtukod sa Barangay Datu Dalidigan gikan sa inahan nga barangay sa Sagonsongan.
Duha ka clustered precincts sa Bito Elementary School ang himuong voting center sa 480 ka rehistradong botante sa Barangay Sagonsongan.
Niadtong Mayo 23, 2017, dihang nagsugod ang Marawi siege human ang Islamic State (IS) kauban sa Maute ug Abu Sayyaf nga mga grupo, niokupar sa pipila ka mga establisemento sa siyudad.
Nailhan isip labing taas nga gubat sa siyudad sa modernong kasaysayan sa Pilipinas, ang Marawi siege natapos niadtong Oktubre 23, 2017. (HDT / SunStar Philippines)