Presyo sa durian mitiurok

Hulagway kuha nila Greacen Grace Barral ug Gilou De Baguio, DNSC interns
Hulagway kuha nila Greacen Grace Barral ug Gilou De Baguio, DNSC interns

NIUBOS na ngadto sa P50 matag kilo ang presyo sa durian karong semanaha gikan sa presyo niini sa miaging semana nga tag P80 matag kilo.

Matud sa mga tindera sa Magsaysay Fruit Stand ug Bankerohan Public Market sa Davao City nga ang pag-us-os sa presyo sa prutas tungod sa pagsaka sa ani gikan sa durian-producing areas.

"Kasagaran kay Calinan ra mi ug Toril nagakuha og supply, pero karon apil na pud sa Malita kay nag-harvest man sila karong semanaha," ingon ni Bryan Ramos, fruit vendor sa Magsaysay Fruit Stand sa pakighinabi sa SunStar Davao Biyernes, Marso 17, 2023.

Apan ang mga vendors miingon nga wala sila magdahom nga mous-os pa ang presyo sa durian tungod kay ang kasamtangang presyo mao na ang labing ubos nga ilang matanyag.

Dungan niini, ang mga fruit vendors malaumon nga motaas ang ilang halin sa umaabot nga mga semana samtang ang siyudad nagsaulog sa Araw ng Dabaw.

"Daghan na og nagapalit karon, pero naga-expect mi nga mas modaghan pa ang modayo sunod semana," ingon ni Jenny Tundag, usa ka fruit vendor sa Bankerohan Public Market.

Samtang nagpabiling stable ang presyo sa ubang prutas sa Magsaysay Fruit Stand ug Bankerohan Public Market diin ang Mangosteen anaa sa P40/kilogram (kg), Lanzones sa P80/kg, Rambutan P70/kg. ug ang Marang mapalit sa P50 matag kilo. (Greacen Grace Barral, Gilou De Baguio, DNSC interns)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph